Бразилияның Фос-ду-Игуасу қаласында бокстан Әлем кубогының кезеңі басталды, деп хабарлайды inbusiness.kz, – деп хабарлайды 7-su.kz ақпараттық порталы.
54 келіге дейінгі салмақта Назым Қызайбай 1/16 финалда Түркия өкілі Айшен Ташкынды сенімді түрде жеңді.
70 келіге дейінгі салмақта Фарух Тоқтасынов та жарысты сәтті бастады. Ол 1/16 финалда ирландиялық Джон Макконеллдан басым түсті. Жекпе-жек барысында қазақстандық боксшы екі рет нокдаунға түскенімен, төрешілердің шешімімен (3:2) жеңіс Тоқтасыновқа берілді.
80 келіге дейінгі салмақта Диас Молжігітов 1/8 финалға жолдама алды. Ол жапониялық Кай Ториабені мерзімінен бұрын жеңіп, жекпе-жекті екінші раундта аяқтады.
Ал Қазақстан құрамасының екі өкілі жарысты ерте аяқтады. 60 келіге дейінгі салмақта Жансері Көшербаев ирландиялық Джуд Галлахерге есе жіберсе, 90 келіге дейінгі салмақта Дәулет Төлемісов бразилиялық Исаиас Фильодан жеңілді.
