«Жетісу» волейбол клубы Түркістанда 2-тур аясында «Тұран» командасымен екі кездесу өткізіп, барлығында жеңіске жетті. Бірінші күні 3:0 (25:17, 25:14, 25:11), екінші ойында 3:1 (25:10, 20:25, 25:13, 25:19) нәтижесімен басым түсті. Жалпы 2-турдың нәтижесі бойынша «Жетісу» сапынан шабуылшы Ольга Зверева «Үздік ойыншы» болды.
– Шыны керек, бүгінгі ойын бізге қиынға соқты. Әсіресе, 1-ші сеттен кейін ойыншыларымыз босаңсып қалды да, келесі кезеңде жеңілдік. Қуанышымызға орай, тез ес жидық. Жаңа форматта 1 қарсыласпен екі күн кезедесеміз. Бұл – қиын. Неге? Өйткені, бір қарсыласқа екінші күн дайындалу, соған сай ойын көрсетуді есепке алыңыз. Біз бір партиядан жеңілдік. Әрине, бір қарасаңыз алып бара жатқан ештеңе жоқ. Бірақ біз бұдан қорытынды шығарамыз. «Тұран» еліміздегі мықты командалардың бірі, – деді өз сөзінде «Жетісу» волейбол клубының бас бапкері Марко Гршич.
«Тұран» командасымен болған екінші ойында «Жетісу» сапынан Татьяна Никитина үздік нәтиже көрсетті. Ол 22 ұпай (16 шабуыл, 3 эйс, 3 тосқауыл) жинады.
Жалпы командалардың статистикасы:
Ұпай:
«Жетісу» – 69, «Тұран» – 48.
Эйс:
«Жетісу» – 8, «Тұран» – 3.
Шабуыл:
«Жетісу» – 40%, «Тұран» – 32%.
Тосқауыл:
«Жетісу» – 11, «Тұран» – 5.
«Жетісу» волейбол клубы 2 турдан кейін 12 ұпаймен (сет бойынша 12:1) көш бастап тұр. Одан кейін «Берел» (Шығыс Қазақстан облысы), «Қуаныш» (Солтүстік Қазақстан облысы) тұр. Оларда да 12 ұпай. «Жетісу» келесі ойынын 27-28 қазанда Талдықорғандағы «Жастар» спорт сарайында «Қуаныш» командасымен ойнайды.
«Жетісу-Ақпарат».
