Еліміздің 1-ші, Әлемнің 2-ші ракеткасы Елена Рыбакина Штутгардта (Германия) өткен WTA-500 турнирінде жеңіске жетті. Финалда чехиялық Каролина Мухованы 2:0 (7:5, 6:2) есебімен айқын ұтты. Кездесу 1 сағат, 19 минутқа созылды. Рыбакина чемпионға берілетін Porsche 911 көлігіне ие болды және рейтингте 500 ұпай қосылады. Қазақстандық теннисші 2024 жылы дәл осы турнирді жеңіп, Porsche мінген еді, – деп хабарлайды 7-su.kz ақпараттық порталы.
Елена Рыбакина биыл қаңтарда Аустралия ашық чемпионатында жеңіске жеткен еді.
Бұл 26 жастағы теннисшісінің жалпы спорттық мансабындағы (WTA) 13-ші титулы. Қазір ол беларуь теннисшісі Арина Соболенкомен әлемнің 1-ші ракеткасы үшін талас жүргізіп келеді.
Қазақстандық теннисші келесі аптада Мадридте (Испания) өтетін турнирге қатысады.
