Абай Құнанбайұлының рухани мұрасын дәріптеу, жастарды кітап оқуға баулу және рухани-адамгершілік құндылықтарды насихаттау мақсатында Абай күніне орай «Толық адам» тұжырымдамасы аясында «Ақыл, қайрат, жүрек» кітап бұрышының ашылу салтанаты өтті.
Іс-шара барысында Қазақстан Республикасының Президенті Қасым-Жомарт Кемелұлы Тоқаев ұсынған 10 кітап жобасы аясындағы қазақ әдебиетінің таңдаулы туындылары көпшілік назарына ұсынылып, арнайы кітап көрмесінің тұсауы кесілді.
Кітап көрмесіне төмендегі шығармалар қойылды:
- «Абай жолы» роман-эпопеясы – МұхтарӘуезов;
- «Көшпенділер» трилогиясы – ІлиясЕсенберлин;
- «Қарасөздер» – Абай Құнанбайұлы;
- «Үркер» романы – ІлиясЕсенберлин;
- «Тағдыр» романы – ҚабдешЖұмаділов;
- «Ақбозүй» романы – СмағұлЕлубай;
- «Қарғын» романы – ДулатИсабеков;
- «Ұйқымкелмейді» әңгімесі – ОралханБөкей;
- «Аласапыран» романы – МұхтарМағауин;
- «Дарабоз» роман-дилогиясы – ҚабдешЖұмаділов.
Шараға өңірдің белгілі ақындары мен зиялы қауым өкілдері қатысып, ұлы ойшыл Абай Құнанбайұлына арналған арнау өлеңдерін оқып, тағылымды ой-пікірлерімен бөлісті. Сонымен қатар, жаңа ашылған кітап бұрышының лентасы салтанатты түрде қиылып, келушілерге «Толық адам» ілімі негізінде рухани құндылықтарды насихаттайтын әдебиеттер таныстырылды.
Ұсынылған шығармалар арқылы қатысушылар қазақ әдебиетінің алтын қорымен танысып, ұлттық руханияттың тереңіне бойлады. Аталған іс-шара Абай мұрасын кеңінен насихаттауға, жастардың кітап оқуға деген қызығушылығын арттыруға, ұлттық әдебиет пен мәдени құндылықтарды дәріптеуге және өскелең ұрпақтың рухани-адамгершілік қасиеттерін қалыптастыруға бағытталды.
