Алматы облысының солтүстік өңіріндегі елді мекендерде 30-ға жуық баладан құлақ мүкістігі анықталған. Бұл туралы Алматы облыстық денсаулық сақтау басқармасы мәлімдеді.
Көпсалалы облыстық балалар ауруханасында облыс орталығынан алыс орналасқан ауданнның кішкентай тұрғындарына айына бір рет штаттан тыс сурдолог маманның қатысуымен тексеру жасалады. Жыл басынан бері сурдолог маманның тексеруінен өткен 57 баланың 29-ынан құлақ мүкістігі анықталған.
Аталған аурухана директоры Арман Тойбековтің айтуынша, балалар консультациялық-диагностикалық және аспаптық диагностикалық тексеруден (КСВП, ОЭА, тимпонометрия, ASSR) өтеді.
— 2022 жылдың қаңтар айынан бастап ауруханада сурдология бөлімшесі ашылды. Қазіргі уақытта балалар айына бір рет бейінді маманның тексеруінен өтуге мүмкіндігі бар. Жыл басынан бері тексеруден өткізген 57 баланың жартысынан құлақ мүкістігі анықталды. Біз бұл балаларды ары қарай толыққанды тексеруден өткізіп, емделуге жібереміз. Алайда балалар арасында құлақ мүкістігі ауруының белең алуы бізді алаңдатып отыр, — дейді аурухана директоры Арман Серікбайұлы.
Айта кету керек, облыс орталығынан алыс орналасқан аудан тұрғындары үшін айына бір рет ұйымдастырылып отырған консультациялық-диагностикалық және аспаптық диагностикалық тексеру балаларға аудиологиялық скринингті жүзеге асыру бойынша Жол картасы шеңберінде өткізіліп отыр.
Құлақ мүкістігі — бұл есту функциясының біртіндеп төмендеуі, ол сөйлеу және айналадағы дыбыстарды қабылдаудың бұзылуымен сипатталады. Бұл тек қартайғанда ғана емес, сонымен қатар, жастарда да пайда болуы мүмкін. Механикалық құлақ мүкістігі күкірт тығынының қатысуымен дамуы мүмкін. Бұл жағдайда мәселе оңай және тез шешіледі. Сондай-ақ, есту қабілетінің жоғалуы (сенсорлық) басқа аурулардың, жасқа байланысты өзгерістердің, өндірістік факторлардың және басқалардың нәтижесінде есту нервінің зақымдануынан туындайды. Мұндай патология кешенді емді қажет етеді.
Құлақ мүкістігінің алғашқы белгілері:
* Құлақ ауруы;
* Шу және ыңғайсыздық;
* Есту қабілетінің төмендеуі. Сондай-ақ қажет кезде:
* Сөйлеуді түсінудегі қиындықтар (тыныш, шулы бөлмелерде де, қатты)
* Дыбыс көзін анықтаудағы қиындықтар (мысалы, әңгімелесушінің қайда екенін түсінбейтін кезде);
* Жеке сөздер мен тұтас сөйлемдерді танудағы проблемалар.
Сурдолог дәрігердің қабылдауына есту қабілетінің бұзылу белгілері байқалған кезде бірден бару маңызды. Ауырсыну немесе қатты ыңғайсыздық болмаса да, кеңес беруді кешіктірмеңіз. Жаңа сезімдерге үйренуге тырыспаңыз! Уақыт өте келе емдеу ұзақ уақытты талап етумен қатар күрделі болады.
Есту қабілеті төмен балаларды ерте диагностикалау есту қабілетін уақытылы қалпына келтіруге мүмкіндік береді, осылайша баланың өмір сүру сапасын жақсартады.
«ЖЕТІСУ-АҚПАРАТ»
