Қолайсыз ауа райына байланысты Алматы облысында кейбір жолдарға шектеу қойылды. Бұл туралы «Жетісу» газеті мәлімдеді.
Төтенше жағдайлар департаментінің хабарлауынша, «Алматы — Шелек — Қорғас» бағытындағы халықаралық автодәлізде көлік қозғалысы тоқтатылды. Аталған жолдың 25-320 шақырым аралығы көктайғақ. Сондай-ақ, «Алматы — Көкпек — Көктал — Қорғас» ескі автожолының 25-109 шақырымы аралағында (Күш пен Лавар ауылдарының аралығы) көктайғақ болып, көліктердің жүрісі шектелді.
Төтенше жағдай қызметкерлері Алматы облысы тұрғындарынан осы бағытта жолға шығуды тоқтата тұруды, ауа райы мен ескертпелерге құлақ асуды сұрайды.
«ЖЕТІСУ-АҚПАРАТ»
