Алматы облысында ауа райының қолайсыздығына байланысты жабылған жолдар қайта ашылды. Бұл туралы «Жетісу» газеті Алматы облысының төтенше жағдайлар департаментіне сілтеме жасап хабарлады.
«23 қаңтар күні, таңғы сағат 8:15-тен бастап Алматы облысының аумағындағы республикалық маңызы бар жолдар автокөліктің барлық түрлері үшін ашық», — делінген аталған департаменттің баспасөз қызметі берген хабарламада.
Естеріңізге сала кетейік, 22 қаңтар күні Қапшағай қаласынан Шығыс Қазақстан облысының шекарасына дейінгі, сондай-ақ, аудан, ауыл арасындағы жолдар қарлы боранға байланысты жабылған болатын. Қазір қозғалыс қайта қалпына келді, жолдар ашық.
«ЖЕТІСУ-АҚПАРАТ»
Сурет — ғаламтордан
