Талдықорғандағы Тіл сарайында Жетісу облыстық мәслихатының кезектен тыс VII сессиясы өтті. Жиында Жетісу облысының 2022-2024 жылдарға арналған облыстық бюджетін бекіту туралы айтылып және облыс бойынша тексеру комиссиясының мүшелерін тағайындап, Өңірлік үйлестіру кеңесінің құрамын бекітті.
Жиынды облыстық мәслиахт хатшысы Гүлнар Тойлыбаева ашып, жүргізіп отырды. Отырыста 19 депутат дөңгелек үстел басында отырса, 8 депутат онлайн қатысты. Облыстық экономика және бюджеттік жоспарлау басқармасының басшысы Жомарт Әмірханов:
– Негізгі бюджет алдағы уақытта бекітілетін болады. Дәл қазір қарастырып жатқанымыз – осыған дейін бекітілген қаржы, біз тек соны екіге бөліп жатырмыз. Жалпы, Алматы облысымен қосқанда бюджет 1 триллионнан астам болса, бізге тиесілісі 433 млрд.теңге, ал оның 61 млрд.теңгесі – өзіміздің кірістер. Бүгінгі таңда әлі де нақтылау жұмыстары жүргізіліп жатыр. Ал нақты шешім айдың соңына белгілі болады. Айта кететін жағдай, облыста жаңадан құрылған мекемелердің жалақысын ғана нақтылап бекіттік. Қалғаны — алдағы уақыттың еншісінде, – деді.
Одан кейін депутаттар Жетісу облысының тексеру комиссиясына мүшелікке Қайрат Дайырбеков, Қанат Манамұратов, Бақытжан Мұхамеджанов, Қуаныш Ноғайбековтің кандидатурасын қабылдап, өңірлік үйлестіру кеңесінің құрамына 18 ел қалаулысын қабылдады.
Қали АСҚАР
Жетісу облысы
