Қазақстанда оқушылардың білімін бағалау жүйесі түбегейлі өзгеру қасаңында тұр. Оқу-ағарту министрлігі жаңа тәртіпті бекітіп жатыр, соған сай 5-11 сыныптар аралығындағы оқушылар бір немесе екі пәннен жылдық қорытынды баға ретінде «2» алса, жазда қайта жиынтық бағалаудан өтуге тиіс. Егер бұл сынақтан да оң нәтиже шықпаса, бала келесі сыныпқа көшпей, оқу жылын қайта оқуға қалуы әбден ықтимал, – деп хабарлайды 7-su.kz ақпараттық порталы.
Бұған дейін үлгерімі төмен оқушылардың көбі келесі сыныпқа автоматты түрде өтіп келген еді. Жаңа өзгерістер бұл жағдайға нүкте қойып, мұғалімдердің әлсіз оқушыларды сүйрелеп өткізу тәжірибесін тоқтатады. Ережеге сәйкес, бастауыш сыныптарда, яғни 1-сыныпта баға мүлдем қойылмайды. Ал 2-4 сыныптарда 10 балдық жүйе сақталады.
Жаңа жүйенің басты мақсаты – баланың білім алуға деген жауапкершілігін арттыру және олқылықтардың жиналып қалуына жол бермеу. Ата-аналар қауымы бұл бастаманы екіұшты қабылдауда. Көпшілік тұрғындар оқушының келесі жылға қалуы оның намысын оятып, сабаққа ынтасын күшейтетінін айтады. Қазіргі мектептерде балаға қосымша қолдау көрсетуге мүмкіндік жетерлік болғандықтан, ата-аналар мен ұстаздар бірігіп нәтиже көрсете алады.
Мамандар сонымен қатар жасөспірімдердің оқу үлгеріміне ортасы мен құрдастары қатты әсер ететінін алға тартады. Осы орайда қатаң талаптар мен әділ бағалау жүйесі оқу сапасын жақсартуға және мектеп қабырғасындағы жауапкершілікті күшейтуге бағытталған.
