Қызылащы ауылдық округіне қарасты Ж. Балапанов ауылындағы №56 сайлау учаскесінде ардагерлер кеңесінің өкілдері азаматтық белсенділік танытып, өз таңдауын жасады, – деп хабарлайды 7-su.kz ақпараттық порталы.
Ауылдың аға буын өкілдері сайлау учаскесіне алғашқылардың бірі болып келіп, өздерінің конституциялық құқығын жүзеге асырды. Ел ағаларының саяси шараға бір кісідей қатысуы – жас ұрпақ үшін азаматтық жауапкершіліктің үлкен үлгісі. Тұрғындардың мұндай ұйымшылдығы өңірдегі қоғамдық тұрақтылықты нығайтуға, жергілікті өзін-өзі басқару жүйесін дамытуға оң ықпал етеді.
Сайлау бойынша толық ақпарат алу, өз мәртебеңізді тексеру немесе ресми жаңалықтарды бақылау үшін Қазақстан Республикасы Орталық сайлау комиссиясы интернет-ресурсын немесе жергілікті сайлау комиссияларының ресми ақпараттық ресурстарын пайдалануға болады.
