Ел өміріндегі маңызды қоғамдық-саяси шараға Ауған соғысының ардагерлері, Қарабақ оқиғаларына және Тәжік-Ауған қақтығысына қатысушылар, сондай-ақ Чернобыль атом электрстанциясындағы апаттың салдарын жоюға қатысқан азаматтар белсенді қатысты.
Өмірдің талай ауыр сынағынан өткен ардагерлер мен азаматтардың дауыс беруі — ел тағдырына деген жауапкершіліктің, азаматтық ұстанымның және отансүйгіштіктің жарқын үлгісі. Олар №351 сайлау учаскесіне келіп, өз таңдауын жасап, азаматтық құқықтарын жүзеге асырды.
Бұл азаматтардың әрқайсысының ел тарихында өзіндік орны бар. Ауған соғысының ардагерлері әскери борышын өтеп, ел алдындағы міндетін абыроймен атқарса, Қарабақ және Тәжік-Ауған қақтығыстарына қатысушылар күрделі кезеңдерді бастан өткерді. Ал Чернобыль апатының салдарын жоюға қатысқаназаматтар адам өмірі мен қоғам қауіпсіздігі үшін үлкен тәуекелге барып, жауапты міндет атқарды.
Ардагерлердің дауыс беруге қатысуы кейінгі ұрпаққа үлкен өнеге. Олардың азаматтық белсенділігі жастарды елін құрметтеуге, Отан алдындағы борышын сезінуге және қоғамдық өмірге жауапкершілікпен қарауға үндейді.
Дауыс беру барысында ардагерлер өз таңдауын еркін жасап, елдің болашағына қатысты азаматтық пікірлерін білдірді. Олардың қоғамдық маңызды шараға қатысуы — бейбіт өмірдің қадірін түсініп, мемлекет дамуына бейжай қарамайтынын көрсетеді.
