Қаскелеңде перзентхананың үшінші қабатынан жүкті әйел секірмек болды. Бұл туралы «Жетісу» газеті полиция департаментіне сілтеме жасап хабарлады.
«Қаскелең перзентханасының дәрігерлері терезеден секірмек болған жүкті әйелді құтқарып қалды», — деп жазды желі қолданушыларының бірі. Алматы облыстық полиция департаменті аталған оқиғаны растады. «Алматы облысының полиция департаменті оқиғаның Қаскелең қаласының перзентханасында болғанын хабарлайды. Қарасай ауданының 41 жастағы тұрғыны 3-қабаттың терезесінен секіруге тырысқан», — деп жауап берді полиция өкілдері.
Аталған дерек бойынша ҚР Қылмыстық кодексінің 105-бабы негізінде қылмыстық іс тіркелді және оның шеңберінде оқиғаның барлық мән-жайы анықталатын болады.
«ЖЕТІСУ-АҚПАРАТ»
