Қазақстан Біріккен Ұлттар Ұйымының есірткіге қарсы басқармасына ресми түрде мүше болып қабылданды. Бұл шешім Нью-Йоркте өткен БҰҰ Экономикалық және әлеуметтік кеңесінің отырысында қабылданды, деп хабарлайды 7-su.kz желілік басылымы.
Қазақстанның жаңа рөлі
Еліміз Азия-Тынық мұхиты өңірі атынан 2029 жылға дейін БҰҰ-ның Есірткі жөніндегі комиссиясында өз мүддесін қорғайтын болады. Комиссияның басты мақсаты – халықаралық деңгейде есірткіге қарсы келісімдердің орындалуын бақылау және осы саладағы жаһандық ынтымақтастықты күшейтуге бағытталған ұсыныстар әзірлеу.
Ішкі саясаттағы маңызды өзгерістер
Осыған дейін Мемлекет басшысы Қасым-Жомарт Тоқаев есірткіге қатысты заңнаманы күшейту туралы заңға қол қойған болатын. Жаңа заңға сәйкес, есірткі өндірушілер мен олармен байланысы бар лауазымды тұлғаларға қатысты жаза айтарлықтай қатаңдатылды. Енді бұл қылмыс үшін 15 жылдан 20 жылға дейін немесе өмір бойына бас бостандығынан айыру жазасы қарастырылған. Сонымен қатар, қылмыстық жолмен табылған мүлікті тәркілеу де көзделген.
Есірткімен күресте халықаралық серіктестік
Қазақстанның БҰҰ басқармасына мүше болуы – еліміздің халықаралық аренадағы беделінің артқанын көрсетеді. Бұл қадам есірткімен күресте жаһандық серіктестікке қосылуға мүмкіндік береді және ел ішінде бұл бағыттағы жұмыстардың тиімділігін арттырады.
Фото: globalkz.biz
