Қазақ халқының ұлттық тағамы бешбармақ YouTube желесіндегі «Телеканал ПЯТНИЦА» арнасы ұйымдастырған танымал аспаздық шоуда ең жоғары бағаға ие болды, деп хабарлайды 7-su.kz желілік басылымы.
Аталмыш жарыста әлем халықтарының дәстүрлі тағамдары ұсынылды. Дегенмен бешбармақ ерекше дәмімен және дайындаудың қарапайым әдісімен қазылар алқасы мен көрермен жүрегін жаулап алды.
Бешбармақ – жай ғана тағам емес, ол қазақ асханасының нағыз философиясы. Бұл тағам мерекелерде, отбасылық жиындарда және маңызды оқиғаларда ұсынылған. Ол қонақжайлылықты білдіріп, бір дастархан басында жиналған адамдарды ынтымыққа үндейді. Шоу барысында ұйымырушылар бешбармақты ұсыну дестүріне ерекше көңіл бөлді, сол үшін қосымша ұпай қосылды.
Offside.kz сайты таратқан ақпаратта шоуда бешбармақты таныстырған қатысушылар табиғи ингредиенттерге — таңдаулы етке, жұқа жайылған қамырға және хош иісті сорпаға баса назар аударды. Қазылар алқасы тағамның үйлесімді дәмі мен бай құрылымын ерекше атап өтті.
Бешбармақтың пайдалы тұстары жетерлік:
- Ақуыздар мен аминқышқылдар. Бешбармақтың негізгі компоненты – ет, бұлшықетті қалпына келтіруге және өсуіне ықпал ететин ақуыздарға бай.
- Микроэлементтер. Сиыр, қой немесе жылқы етінен жасалған сорпа иммундық жүйені нығайтып, жүрек жұмысын жақсартуға пайдалы темір, мырыш және магнийге бай.
- Энергия және тоқтық сезімі. Жұқа қамыр қабаттары ағзаға энергия көзі болып табылатын көмірсуларды қамтамасыз етеді.
- Асқорытудың пайдасы. Дестүрлі түрде бешбармақ пиазбен беріледі, ол антиоксиданттарға бай және асқорытуды жақсартады.
Фото: tilalemi.kz
