30 шілде күні еліміздің 16 өңірінде қолайсыз ауа райына байланысты дауылды ескерту жарияланды, – деп хабарлайды 7-su.kz ақпараттық порталы «Қазгидромет» РМК баспасөз қызметіне сілтеме жасап.
Алматы облысында таулы аудандарда күндіз қатты жаңбыр мен бұршақ жауады, найзағай ойнайды. Желдің жылдамдығы 18–23 м/с аралығына дейін жетеді. Өңірде өрт қаупі жоғары.
Алматы қаласында найзағай байқалады,
Қонаев қаласында найзағай мен қатты жел соғады.
Қызылорда облысында түнде және таңертең найзағай жарқылдап, шаңды дауыл тұрады. Желдің екпіні 15–20 м/с шамасында болады. Өрт қаупі сақталып отыр.
Жамбыл облысында күндіз найзағай ойнап, жел 28 м/с дейін үдейді. Тараз қаласында найзағай байқалады.
Атырау облысында найзағай жарқылдайды, жел 20 м/с дейін күшейеді. Өрт қаупі жоғары деңгейге жетіп отыр.
Қостанай облысында қатты жаңбыр, бұршақ, найзағай, тұман және дауыл байқалады. Жел 15–20 м/с жылдамдықпен соғады.
Абай облысында бұршақ, дауыл, найзағай, 36°С-қа дейін аптап ыстық орын алып, өрт қаупі күшейеді.
Семей қаласында найзағай ойнап, жел 20 м/с жылдамдықпен соғады.
Маңғыстау облысында найзағай белсенділігі байқалады.
Ақтау қаласында төтенше өрт қаупі сақталып отыр.
Қарағанды облысында жаңбыр жауады, бұршақ түседі, найзағай ойнап, жел күшейеді. Өрт қаупі жоғары деңгейде сақталады.
Ұлытау облысында қатты жаңбыр жауып, найзағай ойнайды. Жел екпіні 20 м/с шамасына жетеді.
Жезқазған қаласында найзағай белсенділігі артады.
Павлодар облысында бұршақ жауып, найзағай ойнайды, дауылды жағдай қалыптасады. Жел 15–20 м/с шамасында тұрады. Өрт қаупі жоғары.
Ақтөбе облысында найзағай ойнап, жел 18 м/с дейін күшейеді. Өрт қаупі сақталады.
Шығыс Қазақстан облысында бұршақ жауып, найзағай жарқылдайды, ауа температурасы 36 градусқа дейін көтеріледі. Жел 25 м/с жылдамдықпен соғады. Өрт қаупі өте жоғары деңгейде.
Батыс Қазақстан облысында найзағай белсенділігі байқалады, бұршақ жауады, жел екпіні артады.
Солтүстік Қазақстан облысында жаңбыр жауады, бұршақ түседі, тұман түсіп, найзағай ойнайды. Жел 15–20 м/с жылдамдықпен тұрады.
Түркістан облысының таулы аймақтарында найзағай белсенділігі байқалады. Жел 15–20 м/с шамасына жетеді.
Шымкент пен Түркістан қалаларында төтенше өрт қаупі сақталып отыр.
Ақмола облысында жаңбыр жауады, бұршақ түседі, найзағай ойнап, тұман таралады. Жел 25 м/с шамасына дейін жетеді.
Көкшетау қаласында найзағай жарқылдап, тұман байқалады.
