Елдің ақпараттық қауіпсіздігін қамтамасыз ету бағытында маңызды шаралар қолға алынып, жасанды интеллект арқылы таратылатын жалған деректерге қарсы тұру тетіктері күшейтілуде, – деп хабарлайды 7-su.kz ақпараттық порталы.
Қазіргі уақытта шетелдік әртістердің, танымал спортшылар мен өзге де әсер етуші тұлғалардың бейнесі мен дауысын рұқсатсыз пайдалану арқылы жасалған дипфейктердің таралуы байқалуда. Атап айтқанда, арнайы жасалған бейнероликтерде Қазақстан Республикасын көші-қон режимін күшейтті деген жалған айыптаулар кеңінен таратылуда. Мамандардың түсіндіруінше, бұл материалдар шындыққа еш қатысы жоқ және әдейі ұйымдастырылған ақпараттық манипуляция тәсілдерінің қатарына жатады. Мұндай кибершабуылдардың түпкі мақсаты – елдің және көршілес мемлекеттердің оң имиджіне нұқсан келтіріп, жасанды түрде теріс пікір қалыптастыру, сондай-ақ әлеуметтік желі қолданушыларын жалған мәліметті одан әрі таратуға итермелеу.
Құқық қорғау және ақпараттық қауіпсіздік саласының өкілдері тұрғындарға үндеу жасап, әлеуметтік желілердегі кез келген күмәнді дерекке сын көзбен қарауды сұрайды. Ақпарат көзі тексерілмеген, эмоцияға толы бейнероликтерге сенбеу және оларды бөліспеу маңызды. Цифрлық кеңістіктегі қауіпсіздікті сақтау үшін қарапайым тексеру әдістерін қолдануға болады. Бүгінде ашық қолжетімділікте фото, аудио және бейнематериалдарды жасанды интеллект көмегімен генерациялау белгілеріне тексеру жүргізетін арнайы сервистер жұмыс істейді. Олардың қатарына Hive AI Moderation, Undetectable AI және Sensity AI ұйымының RealityGuard платформалары кіреді. Аталған құралдар синтетикалық өңдеудің іздерін анықтап, ақпараттың шынайылығын тексеруге көмектеседі.
Әрбір қолданушы ақпараттық гигиенаны сақтап, тек ресми дереккөздерге ғана сүйенуі қажет. Жалған мәліметтің өмір сүру ұзақтығы адамдардың оны тарату не таратумауына тікелей байланысты. Тұрғындардың саналы әрекеті мен цифрлық сауаттылығы киберқатерлерге қарсы тұрудың ең тиімді жолы ретінде қарастырылады. Елдегі өзекті жаңалықтарды, қауіпсіздік шаралары мен цифрлық кеңістіктегі жаңалықтарды қалт жібермеу үшін сайтымызды жүйелі түрде қадағалап отырыңыз.
