Қазақстанның бес аймағында жасыл электр стансылары пайда болады.
Биыл жаңартылатын энергия көздерінің 10 нысанын пайдалануға беру жоспарланған. Олардың жиынтық қуаты 104,85 МВт құрайды. Оның ішінде Ақмола облысында қуаты 14,95 МВт болатын екі жел электр станциясы салынады. Алматы облысында қуаты 17,9 МВт болатын екі гидроэлектр стансысы іске қосылады. Жамбыл облысында 20 МВт-тық бір күн электр станциясы бой көтермек.
Ал Жетісу облысында 26 МВт-тық гидроэлектр стансысы, Түркістан облысында 6 МВт-тық үш гидроэлектр стансысы және 20 МВт-тық бір күн электр стансысы іске аспақ. Бұдан басқа, Ақтөбе облысында Хромтау маңында қуаты 155 МВт жел электр станциясы салу жобасын іске асыру жоспарлануда. Барлық электр стансылары инвесторлардың қаражатын тарту есебінен жүзеге асырылады.
Сонымен бірге, реттеу қуатының тапшылығын жабу үшін жаңадан пайдалануға берілетін генерациялаудың маневрлік режимімен генерациялайтын қондырғыларды салуға аукциондық сауда-саттық тетігі енгізілді. Осылайша, 2025 жылға қарай Түркістан облысында электр қуаты 926,5 МВт (Түркістан облысында) және 240 МВт (Қызылордада) бу-газ қондырғыларын салатын компаниялар таңдалды.
Айгүл Байжұмақызы
Фото: Zakon.kz
