АҚШ-тың сыртқы сауда саясаты әлемдік криптовалюта нарығына да әсер етті.
Көп сұранысқа ие биткоин бағасы арзандап, 1 данасының құны 74 мың долларға дейін төмендеді.
Мұндай құлдырау былтыр қараша айынан бері болған емес. Цифрлық валюталарды айырбастау қызметі «Binance» мәліметінше, биткоинның 10 пайызға арзандауы салдарынан трейдерлер 1 млрд доллар жоғалтқан.
Айта кетейік, бұған дейін виртуалды ақшаның құны шарықтап кеткен еді. Әсіресе Дональд Трампты ұлықтау рәсімі кезінде, яғни 20 қаңтарда бір биткоин 109 мың долларға саудаланды.
Дереккөз: Aikyn.kz
Фото: istockphoto
