Қоғамдағы өзекті мәселелердің біріне айналған лудомания дертімен күресу және мемлекеттік қызметшілердің психологиялық сауаттылығын арттыру бағытында ауқымды шара ұйымдастырылды, – деп хабарлайды 7-su.kz ақпараттық порталы.
Елімізде құмар ойындарға тәуелділікпен күрес шаралары қарқын алып, министрлік қабырғасында арнайы жиын өтті. Жиында экономика ғылымдарының кандидаты, психолог және гештальт-терапевт Қайрат Нұрмағанбетов дәріс оқып, ойынға тәуелділіктің қалыптасу тетіктерін түсіндірді. Маманның айтуынша, бұл дерттің әлеуметтік, отбасылық және кәсіби саладағы зардаптары өте ауыр.
Қазіргі таңда 50-60 пайыз жастар осы мәселенің салдарынан қаржылық қиындыққа тап болып жатыр. Мемлекеттік қызметшілер арасындағы қауіп-қатерлерді азайту мақсатында заңнамадағы шектеулер қатаң сақталуы тиіс. Семинар барысында тәуелділіктің алдын алу жолдары мен мінез-құлықты бақылау әдістері кеңінен талқыланды. Психологтардың пікірінше, өз уақытында көрсетілген көмеk адамды қиын жағдайдан құтқарып қана қоймай, оның отбасын да сақтап қалуға мүмкіндік береді. Мұндай іс-шаралар мемлекеттік органдардағы жауапкершілік мәдениетін көтеруге ықпал етеді.
Қазақстанда лудоманияға қарсы атқарылып жатқан шаралар халықтың құқықтық сауаттылығын арттыруда. Азаматтардың қаржылық сауаттылығын көтеру арқылы қоғамдағы жағымсыз жағдайлардың алдын алуға болады. Мемлекет тарапынан жасалып жатқан профилактикалық жұмыстар өз нәтижесін беріп, көптеген адамдардың дерттен арылуына жол ашуда.
