Қаратал ауданы Елтай ауылдық округі әкімі аппаратының ұйымдастыруымен «Мемлекеттік қызмет – абыройлы міндет» атты семинар-кеңес өтті. Оған Жетісу облысы әкімі аппаратының Әдеп жөніндегі уәкілі Ғабит Тұрсынбайұлы, ауылдық округі әкімі аппараты мен денсаулық сақтау, ветеринария, білім беру, мәдениет саласының қызметкерлері, ақсақалдар алқасының төрағасы, қоғамдастық мүшелері қатысты.Мемлекеттік қызметшілер билік органдарының мақсаттары мен міндеттеріне белсенді қатыспай мемлекеттік қызметтің тиімді жұмыс істеуі мүмкін емес. Көп жағдайда мемлекеттік қызметшілер жұмысының нәтижесі олардың лауазымдық міндеттерін сапалы орындауына, бастаманы көрсету мүмкіндігіне және кәсіби дағдылары мен білімін қолдана алуына байланысты.
Семинар-кеңесте Жетісу облысы әкімі аппаратының Әдеп жөніндегі уәкілі Ғабит Тұрсынбайұлы мемлекеттік қызметшілердің әдептілік нормалары мен мінез-құлық қағидалары, сыбайлас жемқорлыққа қарсы іс-қимыл шаралары жөнінде нақты атқарылған жұмыстар туралы баяндама жасады.
– Мемлекеттік қызмет қоғам мүдделеріне адалдық танытуға және Қазақстан халқының бірлігі мен елдегі ұлтаралық келісімді нығайтуға ықпал етуге, мемлекеттік тіл мен басқа тілдерге, Қазақстан халқының дәстүрлері мен ғұрыптарына құрметпен қарауға міндеттейді. Мемлекеттік қызметшілер өз қызметінде мемлекеттік саясатты ұстануға және оны дәйекті түрде іс жүзіне асыруға, қоғамның мемлекеттік қызметке, мемлекет пен оның институттарына деген сенімін сақтауға және нығайтуға ұмтылуы тиіс. Қоғам мемлекеттік қызметшілер өз міндеттері мен функцияларын заңдарға сәйкес бар адал ниетімен құзыретті және тиімді түрде орындайды деп есептейді. Мемлекеттік қызметшінің қызметтік міндеттерді орындау кезіндегі сырт келбеті мемлекеттік аппараттың беделін нығайтуға ықпал етуге, ресмилікпен, ұстамдылықпен және ұқыптылықпен ерекшеленетін жалпыға бірдей қабылданған іскерлік стиліне сай болуға тиіс, – деді Ғабит Тұрсынбай.
Елімізде сыбайлас жемқорлықтың алдын алу және сыбайлас жемқорлыққа қарсы іс-қимыл шараларының жүйесі құрылып, жұмыс істеп жатқанын айтқан Әдеп жөніндегі уәкіл сыбайлас жемқорлыққа қарсы ағарту-түсіндіру жұмыстары жүйелі жүргізілуі тиіс екенін жеткізді.
Мемлекет саясатын іске асыратындықтан мемлекеттік қызметтің мәртебесі мен беделі мемлекеттік қызметшілерге тікелей байланысты. Сол себепті де мемлекеттік қызметшілерге үлкен міндеттер жүктелген. Мемлекеттік қызметшінің жұмысы білімділік пен іскерлікті ғана емес, үлкен жауапкершілікті де талап етеді. Мемлекет мүддесіне қызмет ету қашанда оңай емес екенін ескерсек, мемлекеттік қызметшіге қойылатын талаптың да жоғары екендігі түсінікті.
Абырой, ар-намыстың тазалығы, адамгершілік, еңбек, шығармашылық, жақсылық жасау, үлкенге құрмет, кішіге ізет көрсету арқылы көпшілік тарапынан сый-құрметке ие ететін адамның қадір-қасиеті мен қоғамдағы бейнесі жайлы айтқан Ғабит Тұрсынбай мемлекет пен қоғамның сенімін ақтап, адал қызмет істеу баршаның азаматтық парызы екенін жеткізді.
Семинарға қатысушылар Әдеп жөніндегі уәкілге көкейде жүрген сұрақтарын қойып, тұшымды жауап алды.
Талғат УӘЛИЕВ,
Елтай ауылдық округінің әкімі
Қаратал ауданы
