Тергеуші журналист Сандуғаш Дүйсенованың ұялы телефонын тартып алған. Бұл туралы оның қызы Сая Біләлова айтты, деп хабарлайды 7-su.kz желілік басылымы Stan.kz ақпарат агенттігі дерегіне сүйеніп. 

«Менің анама Instagram-ға кіруге рұқсат берілді, бірақ пост жазуына болмайды. Сондықтан бүгіннен бастап оның парақшасын мен, қызы Сая Біләлова жүргізетін боламын. Алдымен барлығыңызға қолдауларыңыз үшін алғыс айтқым келеді! Біз сіздерді жақсы көреміз! Қиын жағдайдан аман қалдық. Анам қылмыскер ретінде уақытша ұстау изоляторына қамалды, бас бостандығынан айырды, тек қазақстандық журналистердің араласуынан кейін ғана босатылды!

Қазір ол өзінің кәсіби қызметін жүзеге асыра алмайды. Ол сол үшін қатты ашулы. Тергеуші оның ұялы телефонын алып кеткен. Онда басылымдардың барлық бейне және фото материалдары сақталған. Ол тіпті сіздермен байланыса алмайды! Сондықтан тергеу аяқталғанша күтуді сұрайды. Әзірге қамқор адамдар бастаған петицияны қолдаңыздар, ол профильдің тақырыпшасында бекітілген», — деп жазды қызы Дүйсенованың парақшасында.

Фото: © Sputnik / Тимур Батыршин