Талдықорған: +6°C
$ 444.16
€ 487.29
₽ 5.40
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР КҮНДЕРЕК

Отбасы құндылығын ұлықтаған

12 қыркүйек 2026
КҮНДЕРЕК
Отбасы құндылығын ұлықтаған
WhatsAppTelegramFacebook

Талдықорғандағы Достық үйінде Отбасы күніне орай отбасылық құндылықтарды дәріптеуге арналған мерекелік шара өтті. Басқосуда бала тәрбиесіне жауапкершілікпен қарап, әулет дәстүрін жалғастырып, шаңырақтың берекесін сақтап келетін жанұяларға құрмет көрсетілді.

Іс-шара аясында «Адал азамат тәрбиелеген отбасы», «Күміс кереге», «Алтын шаңырақ» номинациялары бойынша марапаттау рәсімі ұйымдастырылды. Байқауға қатысуға 56 отбасы ниет білдірген. Қатысушылардың арасынан 30 отбасы арнайы номинацияларға ие болды. Оларға ақшалай сертификаттар табысталды. Марапаттау рәсімінде «Қоғамдық келісім» коммуналдық мемлекеттік мекемесі басшысының орынбасары Дәурен Нұртаев ізгі тілегін білдірді.

Ол өз сөзінде отбасының қоғамдағы орнына, әсіресе бала тәрбиесіндегі жауапкершілікке тоқталды. Оның айтуынша, адамның тұлға ретінде қалыптасуына әсер ететін алғашқы орта отбасы. Бала үлкенге құрмет, кішіге ізет, еңбекке жауапкершілік, адалдық пен адамгершілік секілді қасиеттерді ең алдымен ата-анасының өнегесі арқылы бойына сіңіреді. Осы тұрғыдан алғанда, адал азамат тәрбиелеу отбасының ғана емес, қоғамның да ортақ міндеті. Өйткені елдің болашағы бүгінгі бала тәрбиесімен тікелей байланысты. Ал балаға берілетін ең маңызды тәрбие ата-ананың күнделікті ісі мен өмірлік ұстанымынан көрінетін өнеге.

Дәурен Нұртайұлы отбасылық құндылықтарды дәріптейтін мұндай шаралардың тәрбиелік маңызына назар аударды. Өнегелі жанұялардың өмір жолын көпшілікке таныстыру арқылы кейінгі буынға үлгі көрсетуге, ұлттық салт-дәстүрдің сабақтастығын сақтауға және ата-ана жауапкершілігін арттыруға мүмкіндік бар.

Байқаудағы әр номинацияның өзіндік мәні бар. «Адал азамат тәрбиелеген отбасы» атауы ұрпағын адамгершілікке, еңбекқорлыққа, жауапкершілікке және елжандылыққа баулып отырған жанұяларға арналды. Ал «Күміс кереге» номинациясы отбасы татулығы мен өзара сыйластықты берік ұстанып, шаңырақтың ынтымағын сақтап келетін отбасыларға табысталса, «Алтын шаңырақ» номинациясы бірнеше буын өкілдерін бір арнаға тоғыстырып, атадан балаға жалғасқан салт-дәстүрді сақтап, ұрпақтар сабақтастығын нығайтып отырған әулеттерге берілді.

Марапаттау рәсімінің басты ерекшелігі отбасының жетістігін бағалаумен қатар оның тәрбиелік және қоғамдық мәніне назар аударылуы. Себебі шаңырақтағы тәрбие жеке отбасының аясында қалмайды. Отбасында қалыптасқан құндылықтар баланың мінезі мен дүниетанымынан көрініс тауып, кейін оның қоғамдағы орнын айқындайды. Ал байқауға қатысқан 56 отбасының арасынан 30 жанұяның арнайы номинацияларға ие болуы өңірде отбасы құндылықтарын сақтап, ұрпақ тәрбиесіне үлес қосып жүрген жанұялардың бар екенін көрсетеді.

Мұндай шаралар қоғам назарын отбасы институтына аударып қана қоймай, ата-ананың бала алдындағы жауапкершілігін, ұрпақтар сабақтастығының маңызын және ұлттық құндылықтардың отбасындағы орнын айқындай түседі. Шаңырақтың беріктігі елдің бірлігіне бастайтын құндылық. Ал тәрбиелі ұрпақ сол берік негіздің жемісі.

Сарби ӘЙТЕНОВА

Қатысты жаңалықтар

270 мыңнан астам қазақстандық жасанды интеллект құралдарын қолдануды үйренеді

270 мыңнан астам қазақстандық жасанды интеллект құралдарын қолдануды үйренеді

19 қараша 2026
Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

19 қараша 2026
Қалдықтарды қайта өңдеу және кәдеге жаратудың тиімді тәсілдері талқыланды

Қалдықтарды қайта өңдеу және кәдеге жаратудың тиімді тәсілдері талқыланды

19 қараша 2026
«Таза Қазақстан»: келесі жылы Талдықорғандағы орталық саябақ жаңғыртылады

«Таза Қазақстан»: келесі жылы Талдықорғандағы орталық саябақ жаңғыртылады

19 қараша 2026

Елімізде 44 жаңа мектеп пен 37 балабақша пайдалануға берілді

18 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.