Перизат Қайратқа қатысты тергеу аяқталып, тергеу нәтижелері жарияланды. Бұл туралы Қаржылық мониторинг агенттігі төрағасының орынбасары Жеңіс Елемесов айтты, деп хабарлайды 7-su.kz желілік басылымы.
Қылмыстық іс бойынша келтірілген залал сомасы 3,5 миллиард теңгені құрады.
Елемесовтың айтуынша, тергеу барысында әртүрлі мәліметтер болғанымен, қазір нақты сома – 3,5 миллиард теңге деп бекітілді. Іс материалдарымен танысу сатысы жүріп жатыр.
Сондай-ақ, Перизат Қайрат гүл дүкенін сатып алуға салынған қаржы арқылы өзін кәсіпкер ретінде көрсетуге тырысқан. Ал оның анасы алаяқтық бабы бойынша күдікті болып отыр, себебі ол қызына көмектесіп, оның шотына түскен ақшаны өзіне аударған.
Фото: baq.kz
