2026 жылдың мамыр айында қазақстандықтар үшін демалыс күндері әдеттегіден көп болады. Мемлекеттік мерекелер, діни күндер және стандартты демалыстарды қоса есептегенде, ай ішінде жалпы 14 күн демалыс қарастырылған, – деп хабарлайды 7-su.kz ақпараттық порталы.
Айдың алғашқы ұзақ демалысы 1 мамыр – Қазақстан халқының бірлігі күніне байланысты қалыптасады. Биыл бұл күн жұмаға сәйкес келіп, бес күндік жұмыс аптасында қатарынан үш күн демалуға мүмкіндік береді.
Мамырдағы келесі ұзақ демалыс Отан қорғаушылар күні мен Жеңіс күніне байланысты. 7 мамыр – бейсенбі, ал 9 мамыр – сенбі күні атап өтіледі. Сенбіге түскен Жеңіс күніне байланысты демалыс 11 мамырға – дүйсенбіге ауыстырылады. Осылайша, қазақстандықтар қатарынан бірнеше күн демалады.
Сонымен қатар, 27 мамырда Құрбан айт мерекесі атап өтіледі. 2026 жылы бұл күн сәрсенбіге түсіп, ресми түрде демалыс күні болып белгіленген.
Осылайша, барлық мерекелер мен ауыстырылған демалыс күндерін ескергенде, бес күндік жұмыс аптасымен жұмыс істейтіндер үшін мамыр айындағы демалыс күндерінің саны 14-ке жетеді. Бұл көрсеткіш мамырды жылдағы ең көп демалыс беретін айлардың біріне айналдырып отыр.
