Орталық сайлау комиссиясы елімізде өткен Құрылтай сайлауының алдын ала нәтижелерін жария етті, – деп хабарлайды 7-su.kz ақпараттық порталы.
Мемлекеттік қайта құрулар мен саяси реформалар аясында өткен бұл науқан халықтың жоғары белсенділігін көрсетті. Дауыс беру нәтижесі бойынша «Әділет» партиясы айқын басымдықпен алдыға шығып, сайлаушылардың 71,17% дауысына ие болды. Сонымен қатар межеленген 5% шекті бағындырған өзге де саяси ұйымдар жаңа заң шығарушы органда өз өкілдіктерін қамтамасыз етті.
Сайлау нәтижелерінің үлестірілуі мынадай:
-
«Әділет» партиясы – 71,17%
-
«Ауыл» партиясы – 6,26%
-
«Respublica» партиясы – 5,56%
-
«Ақ жол» партиясы – 5,21%
-
«ЖСДП» партиясы – 5,11%
-
«ҚХП» партиясы – 3,11%
-
«Байтақ» партиясы – 1,07%
-
«Бәріне қарсымын» белгісін таңдағандар – 2,51%
Азаматтардың саяси үдерістерге қатысу деңгейі ел болашағына деген жауапкершілікті білдіреді. Жалпы сайлаушылар тізіміне 12 млн 605-278 адам енгізілсе, соның 9 млн 351-539 азаматы өз таңдауын жасады. Бұл жалпы көрсеткіштің 74,08% құрайды. Тұрғындардың қатысу белсенділігі жағынан Түркістан, Ақтөбе, Жамбыл, Абай және Ақмола облыстары алдыңғы қатардан көрінсе, Алматы қаласында бұл көрсеткіш төмен деңгейде тіркелді.
Өзгерістер кезеңінде қоғамның дауысы жүйелі реформалардың негізгі қозғаушы күшіне айналуда. Парламентаризмді дамыту және халық өкілдігін арттыру жолындағы бұл қадам елдегі ашықтық пен азаматтық белсенділікті жаңа белеске көтереді. Азаматтардың әрбір дауысы мемлекеттік шешімдердің әділ әрі сапалы қабылдануына оң ықпал етеді.
