Шоқан Уәлихановтың ізін жалғау басты мұратым. Ұлы ғалым сынды халыққа пайдамды тигізсем арманыма жеткенім. Тарихы терең туған өлкемнің қойнауына жасырған сырын ашуға бар күш-жігерімді арнамақпын.
Мені туған жерім Қапал өңірінің тарихы қатты қызықтырады. Алғашқы зерттеуімді де осы ауылымнан бастадым. Бұл елді мекеннің тарихы XIII ғасырдан бастау алған. Қазіргі уақытта айтқанымды дәлелдеу үстіндемін. Зерттеп, зерделеген жұмыстарымды республикалық байқауларға ұсындым. Оған жолдама да алдым. Осы бағытта жетекшім Гүлжанар Керейбаевамен жұмыс істеудемін.
Әбу Насыр әл-Фараби бабамыз «Тарихты білмей өткенді, қазіргі жағдайды білу, келешекті болжау қиын» деп тарихтың маңыздылығына өте жоғары баға береді. Тарихты білу әр адамға қандай қажет болса, туған өлке тарихын білудің маңыздылығы одан кем емес деп ойлаймын. Сондықтан да мен зерттеушілік жолды таңдай отырып, толыққанды тарихшы болуды көздеймін.
Наурызбек ЖҰМАБЕК,
9-сынып оқушысы
