«Алматы облысында коронавирус ауруының тағы үш жағдайы тіркелді», — деп хабарлайды Алматы облысы әкімінің баспасөз қызметі.
Сырқаттардың 3-еуі де Талдықорған қаласында анықталған. 1973, 1994, 2020 жылы туған 3 прациент бұрын ауырғандармен қарым-қатынаста болған. Қан талдауының нәтижесі олардың вирус жұқтырғанын растады. Үш пациент те Талдықорған қаласындағы әскери госпитальдің инфекциялық бөліміне ауыстырылды.
Олармен 12 адамның байланыста болғаны белгілі болды. Олар оқшау орналастырылып, зертханалық тексерулерінен өтуде, эпидемиологиялық зерттеулер жалғасып жатыр.
Өкінішке қарай, кеше тағы да Талдықорған қаласының үш тұрғынынан коронавирус анықталды. 1991, 1997, 1972 жылы туған 3 пациент алдымен Алматы облыстық ауруханасының провизорлық бөліміне жеткізіліп, кейін Талдықорғандағы әскери госпитальға жатқызылды. Олармен 15 адамның қарым-қатынаста болған. Олар медициналық бақылауға алынып, эпидемиологиялық зерттеулер жүргізілуде.
Сол сияқты Талдықорған қалалық мемлекеттік бас санитариялық дәрігерінің 18 мамырдағы №4 Қаулысымен Самал шағынауданының 1-нші үйіне, Ақжазық көшесіндегі 5-нші үйге, Жандосов көшесіндегі 5-нші үйге шаруашылық және (немесе) өзге де қызметі мен тұрмысының ерекше шарттары бар 14 күндік карантин енгізілді. Бұл үйлерде 135 тұрғын бар.
«ЖЕТІСУ-АҚПАРАТ»
Сурет — ғаламтордан
