Облыстық мәслихаттың экономика, бюджет, құқықтық тәртіп, сыбайлас жемқорлыққа қарсы күрес, депутаттық өкілеттіктер және этика мәселелері бойынша тұрақты комиссияның отырысы өтті.
Онда облыстық мәслихаттың 2022 жылғы 14 желтоқсандағы № 13-39 «Жетісу облысының 2023-2025 жылдарға арналған облыстық бюджеті туралы» шешіміне өзгерістер енгізу, мемлекеттік-жекешелік әріптестік жобалар бойынша мемлекеттік міндеттемелерді қабылдау, облыстық полиция департаментінің 2022 жылдың және 2023 жылдың 7 айы бойынша атқарылған жұмыстары, жер телімдеріне төлемақының базалық мөлшерлемесін белгілеу, облыс бойынша тұрғын үй сертификаттарының мөлшері мен оларды алушылар санатының тізбесін айқындауға қатысты баяндама оқылып, сұрақтар талқыланды.
Күн тәртібіндегі мәселелер бойынша облыстық экономика және бюджеттік жоспарлау басқармасының басшысы Жомарт Әмірханов, облыстық полиция департаментінің бастығы Атығай Арыстанов, облыстық жер қатынастары басқармасының басшысы Ермек Әпеков, облыстық энергетика және тұрғын үй-коммуналдық шаруашылық басқармасы басшысының орынбасары Данияр Ысқақов баяндама жасады.
Мемлекет басшысы 2022 жылдың 1 қыркүйегіндегі Жолдауында «Мемлекеттік сатып алу туралы» жаңа Заң әзірлеп, қабылдауды тапсырған болатын. Осыған сәйкес облыстық мемлекеттік сатып алу басқармасының басшысы Момыш Махметов «Мемлекеттік сатып алу туралы» Заңға енгізілген өзгерістер туралы мәслихат депутаттарын хабардар етті.
Отырыста талқыланған мәселелер депутаттар тарапынан жан-жақты қаралып, тиісті шешім қабылданды.
Қажет АНДАС
Суретті түсірген Жеңіс Ысқабай
