2025 жылдың екінші тоқсанында Қазақстандағы орташа номиналды жалақы 420,9 мың теңгені құрады. Бұл өткен жылдың сәйкес кезеңімен салыстырғанда 9,8%-ға жоғары, – деп хабарлайды 7-su.kz ақпараттық порталы Ranking.kz-ке сілтеме жасап.
ҚР Ұлттық статистика бюросының деректеріне сәйкес, ең жоғары жалақы тіркелген өңірлер бестігіне Маңғыстау, Ұлытау, Атырау облыстары мен Астана және Алматы қалалары енді.
Ең жоғары жалақысы бар өңірлер:
-
Маңғыстау облысы – 575,1 мың теңге (елдік деңгейден 36,6% жоғары);
-
Ұлытау облысы – 549,3 мың теңге;
-
Атырау облысы – 544,7 мың теңге;
-
Астана қаласы – 528,1 мың теңге;
-
Алматы қаласы – 497,5 мың теңге.
Қалған 15 өңірде орташа жалақы елдік деңгейден төмен.
Ең төмен жалақы тіркелген өңірлер:
-
Шымкент – 315 мың теңге;
-
Жамбыл және Түркістан облыстары – 341,8 мың теңге.
Мәліметтерге сай, 2025 жылдың екінші тоқсанында қалалардағы орташа жалақы ауылдық жерлерге қарағанда 23,4%-ға жоғары болған. Алайда кей өңірлерде бұл айырмашылықтың бағыты өзгеше.
Мысалы, Түркістан облысында қалалардағы жалақы ауылдардан 6,7%-ға төмен. Бұл өңірде ауыл шаруашылығы саласының белсенді дамуы еңбек нарығына әсер етіп отыр.
Ауылдық жерлерде ең жоғары жалақы төленетін өңірлер:
-
Атырау облысы – 631,6 мың теңге;
-
Маңғыстау облысы – 421,7 мың теңге;
-
Қарағанды облысы – 418,3 мың теңге.
Қалалар мен ауылдар арасындағы ең үлкен айырмашылық байқалған өңірлер:
-
Маңғыстау облысы – қалаларда 698,4 мың теңге (ауылдарға қарағанда 65,6% жоғары);
-
Ұлытау облысы – 580,7 мың теңге (44,3% жоғары);
-
Батыс Қазақстан облысы – 36,3% жоғары;
-
Шығыс Қазақстан облысы – 22,5% жоғары.
