Бүгін тұңғыш рет өтіп жатқан Құрылтай сайлауына орай Ақсу ауданындағы 16 ауылда тұрғындардың бастамасымен жаппай әрі бір мезгілде дауыс беру ұйымдастырылды.
Ауыл тұрғындары өзара келісіп, сайлау учаскелеріне бірге келіп, азаматтық таңдауын жасады. Бұл бастама тұрғындардың ұйымшылдығы мен ел өміріндегі маңызды қоғамдық-саяси үдеріске деген жауапкершілігін көрсетті.
Тұрғындардың айтуынша, тұрғындардың бір мезгілде дауыс беруге келуі – ауылдағы бірліктің көрінісі.
«Біз бір ауылдың тұрғындары ретінде бірге келгенімізбен, әрқайсымыз өз таңдауымызды жеке жасадық. Ең бастысы – тұңғыш рет өтіп жатқан Құрылтай сайлауына белсенді қатысып, өз дауысымызды беру», – деді сайлаушы.
Ақсу ауданындағы 16 ауылда тұрғындар бастамасымен ұйымдастырылған бұл шара азаматтардың белсенділігін, ұйымшылдығын және ел болашағына деген жауапкершілігін айқын көрсетті.
«Жетісу-Ақпарат»
