Бүгін Жайпақ ауылындағы №66 сайлау учаскесінде азаматтардың жоғары белсенділігі байқалды. Жергілікті мекемелердің 85 қызметкері бір мезетте сайлау учаскесіне келіп, Құрылтай депутаттарының сайлауында өз азаматтық таңдауын жасады, – деп хабарлайды 7-su.kz ақпараттық порталы.
Ауылдағы әртүрлі салада еңбек ететін мамандардың мұндай ұйымшылдығы өңірдегі қоғамдық тұрақтылықты нығайтуға, жергілікті өзін-өзі басқару жүйесін дамытуға зор үлес қосады. Жергілікті деңгейдегі саяси процестер ауылдық аймақтар мен аудандардың әлеуметтік-экономикалық дамуына, инфрақұрылымды жақсартуға оң ықпал етеді.
№66 сайлау учаскесінде дауыс беру процесі бекітілген заңнамалық нормаларға сай ұйымдастырылған. Тұрғындардың еркін әрі құпия дауыс беруі үшін барлық жағдай жасалып, бақылаушылар мен жауапты мамандар процестің ашықтығын қамтамасыз етуде.
Өз азаматтық борышыңызды орындап, туған өңіріңіздің келешегіне үлес қосыңыз!
