Жазғы демалыстың оқушылар үшін орыны бөлек. Олардың келер оқу жылына дейін ми тынығып, ойының сергігені маңызды. Балалардың үш айлық демалысын тиімді өткізуі, қабілеттерін дамытып, салауатты өмір салтына бейімделмегі қажет. Ол үшін жазғы лагерлердің атқарар жұмыстары жүйелі де, қызықты болмағы керек.
Талдықорғандағы оқушылар сарайында балалардың жазғы демалысын ұйымдастыру бойынша керібайланыста жиын өтті. Шараға білім бөлімі басшылары, мемлекеттік сатып алу бөлімінің мамандары, мемлекеттік және жекеменшік лагерь директорлары қатысты.
Жиында облыс әкімінің орынбасары Марлен Көлбаев сала мамандарының тыңдап, балалар үшін істеліп жатқан жұмыстардың ретімен танысты. Жауаптыларға тапсырма беріп, жас өрендердің жақсы демалуы үшін барлық жақсы жағдайды жасау керкек деп ескертті.
«Илеп жатқанымыз бір терінің пұшпағы болғандындықтан ешкімді алалап бөлмейміз, керсінше ауызбірлікте әрекет етуге үндейміз» деген облыс әкімінің орынбасары санитарлық-эпидемиологиялық бақылау департаментінің басшысы Асхат Чарапиевке, ТЖ департаменті Мемлекеттік өрт бақылау басқармасының бастығы азаматтық қорғау подполковнигі Огай Сергейге жеткіншектердің қауіпсіздігінің алдын алу үшін лагерь және мектеп басшыларымен жұмыс істесуге шақырды.
Жетісулық балаларды жазғы демалыспен қамту мақсатында қала сыртында биыл 9 лагерь жұмыс істемек. Облыста 103 мыңға жуық оқушы жазғы демалыспен қамтылады. Олар қала сыртындағы лагерьлерде, мектеп жанындағы жазғы алаңдарда, қосымша білім беру ұйымдарында демалыстарын қызықты өткізеді.
Кездесу аясында облыстық білім басқармасының басшысы Марат Сүлейменов баяндама жасап 2024 — 2026 жылдарға жазғы демалыс кезінде балаларды сауықтыру, бос уақытын ұйымдастыру бойынша білім басқармасы облыстық полиция, төтенше жағдайлар, азаматтық қорғаныс, санитариялық-эпидемиологиялық бақылау департаменттері, денсаулық сақтау, дене шынықтыру және спорт, мәдениет архивтер және құжаттама басқармаларымен бірлескен іс-шаралар жоспары бекітіліп, штаб құрылғанын атап өтті. Сондай-ақ, былтыр жазғы демалыс кезінде кеткен олқылықтарды биыл болдырмаудың алдына алатындарын айтты.
Дана САНСЫЗБАЙ
ЖУ студенті
Фото: gov.kz
