Талдықорған қаласындағы Тіл сарайында аймақтық БАҚ өкілдерінің қатысуымен «Жасанды интеллектті енгізу және оқыту» атты семинар өтті.
Жиынға белгілі кинорежиссер, кинопродюссер, криптоинвестор Саламат Мұхаммед-Али арнайы келіп, біліктілігімен бөлісті. ШЖҚ «Жетісу Медиа» МКК-ның басшысы Шыңғыс Бозым жасанды интеллектіні жұмыс барысында қолдану тәжірибесін айтып берді.
Қатысушылар жасанды интеллект қолдану арқылы түсірілген «Бүкіл әлем біздің аяғымызда» фильмінің ерекшелігін тамашалады. Шанхай кинофестивалінде бірінші орын және басқа да кинофестивальдерде бірқатар жүлделерді жеңіп алған туынды туралы толық ақпаратқа қанықты.
Семинар-тренингтің теориялық бөлімінде керекті ақпарат алып, ал практикалық жаттығулар сол әдістерді тәжірибе жүзінде қолдануға мүмкіндік берді. Журналистердің ұсынысымен сурет салу, видеоүзік дайындау, әртүрлі белгілі адамдардың даусы арқылы текст оқу әдісі көрсетілді.
Газет, телеарна, радио, веб-сайттар мен әлеуметтік желілердің жұмысын жеңілдету мүмкіндіктерін іс жүзінде көрсеткен Саламат Мұхаммед-Әли цифрлық технологиялар журналистиканы әрмен қарай дамытатынын айтты. Дей тұрғанмен олар адами факторды жеңе алмайтынын есе салды.
«Жетісу-Ақпарат»
