Бүгін Ескелді аудандық мәдениет үйінде өткен «Шәмшінің әсем әндері-ай» атты ретро ән кешінде қазақ ән өнерінің төрінен орын алған, жүректерге жол тапқан Шәмші Қалдаяқовтың шығармашылығынан әсем әндер шырқалды.
Ән кешінде ауданның 10 мәдениет саласы өкілдері ұлы композитордың әндерін халыққа арнады.
Жас ұрпаққа қазақ ән өнерінің құндылығын таныту, әнге, өнерге деген сүйіспеншілігін арттыру мақсатында өткен ән кешінде аудан, облыс жұртшылығына танымал эстрада орындаушылары композитордың танымал әндерін тамылжыта шырқады.
Шәмші әндері — халқымыздың қуанышы мен сағынышын, махаббаты мен сырын ұрпақтан-ұрпаққа жалғастырып келе жатқан асыл мұра.
Ескелді ауданы әкімдігінің баспасөз қызметі
