Жетісу облысы Өтенай ауылында жасөспірім 86 жастағы зейнеткерді аяусыз соққыға жыққан. Полиция тергеу амалдарын жүргізіп жатыр, деп хабарлайды 7-su.kz желілік басылымы BAQ.KZ сайтына сілтеме жасап.
Жетісу облыстық ПД мәліметінше, аталған факті бойынша қылмыстық іс қозғалды.
«Қазір тергеу амалдары жүргізіліп жатыр. Кәмелетке толмаған құқық бұзушы заңды өкілінің кепілдігіне тапсырылды. Жасөспірімді тәрбиелеу жөніндегі міндеттерін дұрыс орындамағаны үшін оның заңды өкілі әкімшілік жауапкершілікке тартылды», — делінген ПД хабарламасында.
Жасөспірім профилактикалық есепке қойылып,Талдықорған қаласы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияға тиісті ұсыныс жолданды.
Фото: baq.kz
