Жетісу облысы Төтенше жағдайлар департаменті айлық аясында жылыту маусымында және алдағы мерекелер кезінде қауіпсіздікті қамтамасыз ету мақсатында кешенді алдын алу шараларын жүргізуде.
Төтенше жағдайлар департаменті, полиция, жергілікті атқарушы органдар мен басқа да құрылымдардың қызметкерлерінен мобильді топтар құрылды. Бұл топтар пиротехникалық бұйымдарды сақтау және сату орындарын, сондай-ақ жаңа жылдық алаңдарды қауіпсіздік талаптарының сақталуын тексеру үшін рейдтер өткізуде.
Халықпен жұмыс істеуге ерекше назар аударылуда. Жеке үйлерге он мыңдаған тексеру жүргізіліп, пештерді, электр жылытқыштарды пайдалану ережелері және балалардың қауіпсіздігі бойынша түсіндіру жұмыстары жүргізілді. Әлеуметтік осал топтағы отбасылардың үйлеріне газ бен түтін концентрациясын анықтайтын датчиктер орнатылды, бұл қауіпті жағдайлардың алдын алуға көмектеседі.
Қабылданған шаралардың арқасында өрттер мен зардап шеккендер саны азайды. Тұрғын үйлердегі өрт саны қысқарды, бірақ шаруашылық құрылыстарда, шөп қораларда және моншаларда өрт санының өсуі байқалады. Өрттің негізгі себептері – электр жабдықтарын пайдалану ережелерін бұзу, қасақана өртеу және отты абайсыз пайдалану.
Жаңа жылдық іс-шараларға дайындық аясында мектеп, медицина мекемелерінің басшыларымен және халық көп жиналатын нысандар иелерімен кездесулер мен нұсқаулықтар өткізілді. Сондай-ақ, төтенше жағдайлар кезінде эвакуациялау және қызметкерлердің іс-әрекеттері тәжірибелік түрде пысықталуда.
Жетісу облысының Төтенше жағдайлар департаменті тұрғындарды жылыту маусымында және мереке күндері өрт қауіпсіздігі ережелерін сақтауға шақырады. Қырағылық пен жауапкершілік жазатайым оқиғалардың алдын алуға және өмір мен денсаулықты сақтауға көмектеседі.
Жетісу облысы ТЖД баспасөз қызметі
Фото: gov.kz
