Жол жұмыстары

Биыл 20 шақырым жолды қайта жаңарту, 3 көпірді күрделі және 281,7 шақырым жолды орташа жөндеу жұмысын жүзеге асырамыз. Жыл соңына дейін жақсы және қанағаттанарлық жағдайдағы жергілікті маңызы бар автожолдардың үлесін 94 пайызға жеткізуді басты мақсат етудеміз. Сондықтан облыс аумағындағы жол құрылысына асқан жауапкершілікпен қарап, нәтижелі еңбек етудеміз.

Облыстың туристік кластерін дамыту мақсатында негізгі ірі жобалар да жүзеге асуда. Ол – Балқаш көлінің жағалауына дейінгі автомобиль жолдарын реконструкциялау. Атап айтқанда, «Лепсі – Ақтоғай» бағытындағы 110 шақырымның 35-110 шақырым учаскесінің құрылыс мерзімі жоғары деңгейде жүзеге асуда. Жұмыс 2025 жылы толық аяқталады. Бүгінгі таңда жолдың 60 шақырымына асфальт төсеу жұмыстары жүргізілді. Жыл соңына дейін қалған 50 шақырымға асфальт төсемін салу және автокөлік құралдарына асфальт жабынының төменгі қабатымен жолды ашу жұмысы жүзеге асады. Ал «Лепсі – Балқаш көлінің жағалауы» 27 шақырым жобасы бойынша 20 шақырым асфальт төсеу жұмыстары аяқталды. Қазіргі уақытта тиісті жол белгілерін орнату және абаттандыру жұмыстары жүргізілуде. Жазғы шомылу маусымы басталғанша жұмыс толық бітеді.

Жол жөндеу жұмыстарының сапасын арттыру мақсатында жергілікті бюджеттен «Жол активтерінің сапа орталығымен» келісімшарт жасалды. Бұдан басқа, облыстық маңызы бар автомобиль жолдарын қалыпты жағдайда ұстау мақсатында осы жылы ауыр салмақты көлік құралдарының тиісті массаларын анықтау үшін жергілікті бюджеттен 300,0 миллион теңгеге автоматтандырылған өлшеу жүйесін орнату жоспарлануда. Пилоттық жоба оң нәтиже берсе, тұрақты әрі жүйелі жұмыс жүргізіледі. Ең бастысы, облыс аумағындағы барлық жергілікті маңызы бар автомобиль жол құрылысы үздіксіз жүргізілуде. Халық игілігіне арналған жұмыс жүйелі жалғасын табады.

Ғалымжан  ДӘРІБАЕВ,
облыстық жолаушылар көлігі және
автомобиль жолдары басқармасының басшысы
Фото: gov.kz