Абайтану курсын ұйымдастырудағы мақсат — Абай Құнанбаевтың өмірі мен мұрасына үңіліп, оның ойларынан нәр алып, адамгершілік және рухани байлыққа толы жолды таңдауға ықпал ету.
Себебі, оның шығармашылығы тек қазақ әдебиетінің ғана емес, бүкіл адамзаттың рухани байлығы болып табылады.
Бұл курс арқылы жастар тек қана әдебиеттен емес, адамның ішкі дүниесін, ой-санасын қалыптастыруға көмектеседі. Абайдың философиясы мен әлемді көру көзқарасы адам болмысына терең әсер етіп, жеке тұлғаның дамуына ықпал етеді. Абай өз шығармаларында көптеген әлеуметтік мәселелерді көтереді. Оны зерттей отырып, жастар сыни ойлау дағдыларын қалыптастырады. Олар Абайдың ойларын өз өмірлеріне байланыстырып, қоғамның кемшіліктері мен болашағын қалай жақсартуға болатындығын талқылайды. Абайтану курсы жастарды өз еліне деген сүйіспеншілікке, Отанын қорғауға, ұлттық рухты көтеруге үйретеді. Бұл курс жастардың патриотизм сезімін қалыптастырып, оларды елдің болашағы үшін жұмыс істеуге ынталандырады. Абай Құнанбайұлының шығармашылығын зерттеу арқылы жастар қазақ әдебиетін тереңінен түсінеді, әдебиетті сүйеді және ұлттық әдебиетке деген қызығушылықтары артады.
Қорыта айтқанда, Абайтану курсы – оқушыларды терең ойлауға, ұлттық құндылықтарды құрметтеуге және шығармашылыққа баулитын маңызды бағдарлама болып табылады. Кітап оқуға баули отырып, бағдарлама оқушыларға өз ойларын дұрыс жеткізіп, қоғамдағы мәселелерге өзіндік пікір білдіре алу дағдыларын дамытуға ықпал етеді.
Раушан Мейрбекова,
М.Маметова атындағы орта мектебі мектепке дейінгі шағын-орталығының қазақ тілі мен әдебиеті пәнінің мұғалімі
