Анамның мейірімін армандаймын,
«Бозторғай»» әнін шырқап
салғандаймын.
Жан ана, сені аңсаймын, сағынамын,
Жалғанда жалғыз өзім қалғандаймын.
Ең мықты деп өмірде аталсаң да,
Жүректерден жалын от алсаң да.
Анаңның еңбегін ақтамайсың,
Меккеге үш арқалап апарсаң да!
Сен менің жүректегі қадірлімсің,
Тілеушім өзің едің бағымды шын.
Анашым, сен жасаған дұғалардан,
Шалғай ұшпай көктемек бағым-құсым.
АҒА
Ағаң барда өмірің балдай екен,
Ағаң жоқта бақытың шалғай екен.
Ағаң жоқта өмірің қап-қараңғы,
Ағаң барда көңілің қардай екен.
Аға деген бақыттың биігі екен,
Аға жоқта көңілдің күйі бөтен.
Ағаң барда жақсылар үйір екен,
Аға жоғы жалғанның күйігі екен.
Елім
Елім менің!
Елдігін бекемдеген,
Өкініші өмірден өтелмеген.
Бұл жалғанды о баста өтер деген,
Тұмау-тағдыр қысқанда жөтелмеген!
Халқым менің!
Не көрмей келдің өзің?
Шаңдатып-ақ шаршаттың
жолдың өзін.
Сен сонда да биікте қалдың, елім,
Жоғалмады баяғы өр мінезің!
Жансыз қалған жалғанның
жиып көшін,
Қаншама рет түстің күйікке шын.
Сен сонда да жоғалмай келдің, елім,
Сен сонда да мәңгілік биіктесің!
Серік АСХАТҰЛЫ,
Егінсу орта мектебінің оқушысы
Ақсу ауданы
