«Қазгидромет» РМК мәліметінше, бүгін, 28 тамызда Астана қаласы мен еліміздің бірқатар өңірлерінде ауа райы күрт өзгермек. Күннің ысуы, найзағай, бұршақ және шаңды дауыл болжанып отыр.
Астанада күндіз ауа температурасы +35°С дейін көтеріліп, өрт қаупі жоғары деңгейде сақталады.
Аймақтар бойынша болжам:
-
Абай облысы – солтүстік-шығыс бағыттағы жел 15-20 м/с дейін күшейеді.
-
Атырау облысы – батысында, оңтүстігінде және шығысында найзағай, шығысында төтенше өрт қаупі сақталады.
-
Ақтөбе облысы – солтүстігінде желдің күші 15 м/с, оңтүстігінде өрт қаупі жоғары.
-
Ақмола облысы – күндіз +35°С аптап, найзағай, жел 15-20 м/с дейін.
-
Шығыс Қазақстан облысы – желдің екпіні 20 м/с дейін, өрт қаупі жоғары.
-
Жамбыл, Жетісу облыстары – желдің күшеюі 15-20 м/с.
-
Батыс Қазақстан облысы – түнде және таңертең тұман, оңтүстігінде өрт қаупі жоғары.
-
Қарағанды облысы – күндіз +35°С ыстық, кей аймақтарда өрт қаупі сақталады.
-
Қызылорда облысы – шаңды дауыл, күндіз +40°С аптап ыстық.
-
Қостанай облысы – найзағай, бұршақ, жел екпіні 20 м/с дейін.
-
Маңғыстау облысы – шаңды дауыл, күндіз +38°С, төтенше өрт қаупі бар.
-
Солтүстік Қазақстан облысы – найзағай, тұман, желдің күшеюі 15-20 м/с.
-
Ұлытау облысы – күндіз +35…+38°С ыстық, өрт қаупі жоғары деңгейде.
Метеорологтар тұрғындарға ауа райының қолайсыздығына байланысты сақтық шараларын қатаң сақтау қажеттігін ескертті. Әсіресе жолға шығар алдында болжаммен мұқият танысуға шақырды.
