28 наурыз күні түнгі сағат 03:42-де Қазақстанның оңтүстік аймақтарында жер сілкінісі тіркелді. Сейсмикалық станциялар желісінің мәліметінше, зілзаланың эпицентрі Алматы қаласынан оңтүстік-батысқа қарай 323 шақырым қашықтықта орналасқан.
Жер сілкінісі келесі өңірлерде сезілді:
-
Меркі – 5 балл
-
Құлан – 4 балл
-
Шу, Төле би, Сарыкемер, Тараз, Қордай, Аса, Мойынқұм – 2 балл
Төтенше жағдайлар министрлігінің хабарлауынша, қирау немесе зардап шеккендер туралы мәлімет түскен жоқ, барлық нысандар қалыпты режимде жұмыс істеп тұр. Жағдайды бақылау мақсатында министрлік жанынан жедел штаб құрылып, аумақтық бөлімшелермен шұғыл кеңес өткізілді.
Батырбек Әбдішевтің айтуынша, құтқару қызметтері кез келген жағдайға дайын. Сонымен қатар, Жамбыл облысындағы химиялық қауіпті бес нысан тексеріліп, қауіптің жоқтығы расталды.
Жетісу-Ақпарат
Фото: Pixabay.com
