Ел көлемінде атқарылып жатқан референдумға баршамыз бір ауыздан баруға міндеттіміз. Себебі бұл референдум елдің болашағына ауадай қажет. Өзім Қызылағаш ауылы Жастар көшесіндегі №10 мекен жайда орналасқан Қызылағаш ауылдық Мәдениет үйіне барып, референдумға дауыс бердім. Бұл – елім үшін жасалған нық қадам.
Жалпы, АЭС-тің ел дамуына мультипликативті әсері барын білікті де білімді ғалымдар талдап, жан-жақсы түсіндіріп келеді. Бұл, ең алдымен, атом энергетикасымен байланысты ғылым мен технологияның дамуына орасан зор әсер етеді. АЭС салынса, қолданыстағы зерттеу орталықтарының әлеуеті барынша пайдаланылады. Бұдан бөлек, өнеркәсіптік әлеует күш ала түседі. Мәселен қазіргі уақытта жұмыс істеп тұрған уран кен орындары, уран таблеткаларын өндірушілер жұмысы жанданады, олар одан сайын дамып, потенциалы толыққанды игерілетін болады. Бір сөзбен айтқанда елімізде үлкен істерге жол ашылады.
Референдум еліміздің болашағына халықтың талқылауы арқылы жүргізіліп жатқан жаңа жүйе деп білемін. Сол себепті әрқашан осылай елдің ойын біліп, пікірмен санасуы тиіс деп ойлаймын.
Данияр АХМОЛДАЕВ,
І. Жансүгіров атындағы орта мектептің директоры
Қызылағаш ауылы
Ақсу ауданы
