Жетісу облысының әкімі Бейбіт Исабаев ҚР Құрылтай депутаттарын сайлауына қатысып, 389 сайлау учаскесінде дауыс берді.
– Қазақстан Республикасының азаматы ретінде Конституциялық құқығымды пайдаланып бүгін бірінші рет өтіп жатқан Құрылтай депутаттарын сайлауына қатысып, таңдауымды жасадым. Еліміздің болашағына, мемлекеттілігіміздің тұрақты, қуатты болуына, елдің экономикалық, әлеуметтік өсіп-өркендеуіне дауыс бердім. Жаңадан құрылып жатқан Құрылтай Қазақстанның гүлденуіне қызмет етеді деп сенемін, – деді облыс әкімі.
Сайлау учаскесінде Бейбіт Өксікбайұлы науқанға сай ұйымдастырылған өнерпаздармен бірге ән шырқап, естелік суретке түсті.
