Эндокардит – бұл жүректің ішкі қабаты, яғни эндокардты зақымдайтын қабыну ауруы. Бұл ауру көбінесе жүрек клапандарының инфекциясынан туындайды.
Эндокардиттің белгілері: жоғары температура, қызу, шаршау, әлсіздік, жүрек аймағында ауырсыну, қанның ұюының бұзылуы, ұсақ қанталаулар, суық тер, жүрек соғуының тұрақсыздығы.
Эндокардиттің инфекциялық түрі – қан арқылы бактериялар жүрекке өтіп, клапандарда немесе эндокардта қабынуды тудырады. Ал негізгі немесе вирусқа байланысты эндокардит – сирек және вирус инфекциясынан пайда болуы мүмкін.
Эндокардитті анықтау үшін мынадай зерттеулер жүргізілуі тиіс. Атап айтсақ, эхокардиография, қанның дақылын зерттеу, ЭКГ, қанттың жалпы анализі. Ал емдеу тәсілдері түрлі жолмен жүргізіледі.
1. Антибиотикалық терапия – эндокардитті емдеудің негізі антибиотиктер саналады. Оларды жоғары дозада және ұзақ уақыт бойы (әдетте 4-6 апта) көктамыр ішіне енгізу қажет. Емдеу инфекцияның себебі мен ауырлығына байланысты өзгереді.
2. Хирургиялық емдеу – егер клапанның зақымдануы немесе инфекцияның таралуы өте ауыр болса, хирургиялық араласу қажет болуы мүмкін. Мысалы, зақымданған клапанды алмастыру немесе инфекцияны жою үшін хирургиялық операциялар жүргізіледі.
3. Иммундық жүйені қолдау – егер эндокардит иммундық жүйесі әлсіз пациенттерде дамыса, олардың денсаулығын қолдау үшін арнайы емдеу тәсілдері қажет.
Эндокардиттің емі негізінен антибиотиктермен жүргізіледі, кейде хирургиялық араласу қажет болуы мүмкін, әсіресе клапанның зақымдануы немесе басқа асқынулар болған жағдайда. Ерте диагноз қойылып, дұрыс ем қолданылғанда болжам жақсы болуы мүмкін.
Эндокардит – ауыр ауру, сондықтан оның белгілері байқалған жағдайда тез арада медициналық көмекке жүгіну маңызды.
Ж. РАХЫМЖАНОВА,
Кардиология орталығының кардиореанимация
бөлімінің медбикесі
Талдықорған қаласы
