Ұлттық құндылықтың бірі де бірегейі дәстүрлі ән. Қазақтың болмысын, өмір тіршілігін, көне күйін үнемі айшықтап тұрады. Оны дәріптеу – бүгінгі буынның міндеті. Осы тұста Ерболсын Рамазанұлы жөнінде айта кеткенді жөн көрдік.
Ерболсын кішкентайынан дәстүрлі әнге құмартып өседі. Әуелі домбыра үйренеді, содан барып ұстаздарының тәлімін алады. Дауысын машықтандыра жүріп, қазақтың «Ақсиса», «Ақбұлақ», «Айнамкөз» сынды 10-ға жуық әнін орындайды. Жаяу Мұса, Ақан сері Қорамсаұлының әндерін бұл күні тынбай жаттап жүргендердің бірі.
Жас өрен осы өнерінің арқасында республикалық «Halyk star–2024» байқауында 1-орын, республикалық «Менің елім – тірегім» байқауында 2-орынды еншіледі. Облыстық «Жетісу жұлдыздары» байқауының екінші кезеңіне жолдама ұтып алған.
Ең бастысы, жеткіншек «қазақ ұлты үшін аянбай тер төгуге әзірмін, руханият үшін еңбек етсем, сол үлкен жетістігім болар еді», – дейді. Ерболсынның бұл асқақ ойына қосылатынымызды жеткізіп, жас дарынның салған соқпағының даңғылға айналуына тілек білдірдік.
Медет ЖҰМАБАЙ
