2024 жылғы қаңтар-мамыр айларында өнеркәсіп өндірісінің көлемі қолданыстағы бағамен 119 400,8 миллион теңгені құрады. Бұл 2023 жылғы қаңтар-мамыр айларымен салыстырғанда 2,4% төмен.
Тау-кен өндіру өнеркәсібінде өндіріс көлемі 151,5%-ға өсті. Ал өңдеу өнеркәсібінде 8,5%-ға төмендеді. Электр энергиясымен, газбен, бумен, ыстық сумен және кондиционерленген ауамен жабдықтауда 3,9%-ға, сумен жабдықтауда, қалдықтарды жинауда, өңдеуде және жоюда, ластануды жою жөніндегі қызметте 18,3%-ға өсті.
Ауыл шаруашылығы өнімдерінің жалпы шығарылымы 73 331,3 миллион теңгені құрады. Бұл көрсеткіш 2023 жылдың осы айларымен салыстырғанда 101,5% құрады. Көліктің барлық түрінің жүк айналымы 4 516,0 миллион шақырымға жетті.
Жолаушы айналымы 245,2 миллион шақырымды құрады.
Құрылыс жұмыстарының көлемі 60214,7 миллион теңгені немесе 2023 жылғы қаңтар-мамыр айларымен салыстырғанда 188,7%-ға жетті.
2024 жылғы қаңтар-мамыр айында пайдалануға берілген тұрғын үйлердің жалпы алаңы 17,7%-ға өсіп, 83,5 мың шаршы метрге жетті. Көппәтерлі тұрғын үйлер 198,2%. Пайдалануға берілген жеке тұрғын үйлердің жалпы алаңы 2,8%-ға азайды.
2024 жылғы қаңтар-мамыр айларында негізгі капиталға салынған инвестициялар көлемі 84605,0 миллион теңгені немесе 2023 жылдың қаңтар-мамыр айларымен салыстырғанда 121,0%-ға жетті.
Тіркелген заңды тұлғалар саны 2024 жылғы 1 маусымдағы жағдай бойынша 8 294 бірлікке жетті. Өткен жылдың сәйкес кезеңімен салыстырғанда 1,4%-ға өсті. Оның ішінде 100 адамнан кем қызметкерлері бар 8 мың 065 бірлік бары анықталды. Жұмыс істеп тұрған заңды тұлғалар саны 6 мың 674 болса, оның шағын кәсіпорындары 6 мың 446. Облыста тіркелген шағын және орта кәсіпкерлік кәсіпорындар саны 6 мың 216 бірлік жетті. Бұл көрсеткіш өткен жылғы сәйкес кезеңмен салыстырғанда 2,9% ұлғайды.
ҚР СЖРА Ұлттық статистика бюросының
Жетісу облысы бойынша департаменті
