Атап айтқанда, аудан әкімдігі ұйымдастырған «Тәуелсіздік – мәңгілік ел мұраты» атты патриоттық форум аудандық Мәдениет үйінде өтті. Форумға ардагерлер, жастар ұйымдары, қоғамдық кеңес мүшелері мен зиялы қауым өкілдері қатысып, ел бірлігі, тарихи жад және ұлт болашағы жөнінде пайымды пікірлер айтты. Шарада ұлттық құндылықтарды дәріптейтін бейнероликтер көрсетіліп, жергілікті өнерпаздар патриоттық әндер орындады.
Жастар ресурстық орталығының бастамасымен «Адал ұрпақ – жарқын болашақ» атты пікірсайыс турнирін ұйымдастырған аудандағы мектептердің жоғары сынып оқушылары жемқорлықпен күрес, құқықтық мәдениет және ел болашағына белсенді араласу тақырыптарын ортаға салды. Бұл шара жас буын арасында сыни ойлау, сөз мәдениеті мен көшбасшылық қасиеттерді дамытуға ықпал етті.
Саяси сауаттылықты арттыру мақсатында аудандық кітапханада «Сайлау – демократиялық қоғамның тірегі» атты Дөңгелек үстел өтті. Жиында жастар арасында сайлау мәдениетін қалыптастыру, саяси процестерге қатысу маңыздылығы және азаматтық ұстаным тақырыптары көтерілді. Жалпы алғанда, Ақсу ауданында жүзеге асып жатқан қоғамдық-саяси бағыттағы бастамалар тұрғындардың белсенді азаматтық ұстанымын қалыптастырып, ел болашағына немқұрайлы қарамайтын ұрпақ тәрбиелеуге зор әсер етуде. Алдағы уақытта бұл бағыттағы жұмыстар жалғасын табады.
Жанар РАЙХАНОВА,
Құрақсу ауылдық кітапханасының кітапханашысы
Ақсу ауданы
