Президент Қасым-Жомарт Тоқаев Әлемдік және дәстүрлі діндер көшбасшыларының съезі аясында Иерусалим Патриархы III Феофилмен кездесті.
Мемлекет басшысы Патриархқа ілтипат білдіріп, форумға тұрақты түрде қолдау көрсетіп келе жатқаны үшін алғыс айтты. Оның айтуынша, Патриархтың мазмұнды ұсыныстары мен үндеулері Астанадағы дінаралық диалогтың рөлін күшейтуге елеулі үлес қосқан.
Қасым-Жомарт Тоқаев қазіргі заманда діннің қоғамдағы орны ерекше екенін атап өтіп, бейбітшілікті сақтау мен дінаралық қарым-қатынасты дамытуда дін қайраткерлеріне үлкен жауапкершілік жүктелетінін жеткізді.
Президент сондай-ақ православ дінінің Қазақстанның рухани өміріндегі маңыздылығын атап өтті. Оның ағартушылық, бітімгерлік және қоғамдық миссиясы қоғам үшін құнды екеніне назар аударды.
«Жетісу-Ақпарат»
