Биылғы қаңтар-шілде айларындағы өнеркәсіп өндірісінің көлемі қолданыстағы бағамен 184 047,9 млн. теңгені құрады. Бұл 2023 жылғы қаңтар-шілдемен салыстырғанда 2,1% көп.
Тау-кен өндіру өнеркәсібінде өндіріс көлемі 79,3%. Өңдеу өнеркәсібінде 1,3%, электр энергиясымен, газбен, бумен, ыстық сумен және кондиционерленген ауамен жабдықтауда 7,8%, сумен жабдықтауда, қалдықтарды жинауда, өңдеуде және жоюда, ластануды жою жөніндегі қызметте 11,4% өсті.
2024 жылғы қаңтар-шілдеге ауылшаруашылығы өнімдерінің (қызметтерінің) жалпы шығарылымы 111 604,4 млн. теңге немесе 2023 жылғы қаңтар-шілдемен салыстырғанда 102,9 % тең.
Ал көліктің барлық түрінің жүк айналымы 6 312,8 млн. тонна км.-ді құрады. 2023 жылдың қаңтар-шілде айларымен салыстырғанда 77,2%.
Жолаушы айналымы 349,2 млн. болса, бұл 2023 жылғы қаңтар-шілдемен салыстырғанда 90,8% құрады.
Құрылыс жұмыстарының көлемі 118 523,6 млн. теңге немесе өткен жылғы қаңтар-шілдемен салыстырғанда 136,3 %. Биыл қаңтар-шілде айларында пайдалануға берілген тұрғын үйлердің жалпы алаңы 19,5%-ға өсіп, 133,9 мың шаршы метрді құрады. Олардан көппәтерлі тұрғын үйлер 26,1% (49,7 мың шаршы метр) ұлғайды. Пайдалануға берілген жеке тұрғын үйлердің жалпы алаңы – 20,0%-ға (84,1 мың шаршы метр) жетті.
Осы жылдың басынан шілдеге дейін негізгі капиталға салынған инвестициялар көлемі 188 183,6 млн. теңгені немесе өткен жылмен салыстырғанда 151,7% құрады.
Тіркелген заңды тұлғалар саны 2024 жылғы 1 тамыздағы жағдай бойынша 8 281 бірлікті құрап, өткен жылғы сәйкес кезеңдегімен салыстырғанда 0,4% ұлғайды. Оның ішінде 100 адамнан кем қызметкерлері барлар 8 мың 51 бірлік. Жұмыс істеп тұрған заңды тұлғалар саны 6 мың 477 бірлікті құрады. Оның ішінде шағын кәсіпорындар 6 мың 249 бірлік. Облыста тіркелген шағын және орта кәсіпкерлік кәсіпорындар саны 6 мың 198 бірлікті құрап, өткен жылғы сәйкес кезеңмен салыстырғанда 1,3% ұлғайды.
ҚР СЖРА Ұлттық статистика
бюросының Жетісу облысы
бойынша департаменті
