2022-2023 оқу жылындағы жалпы білім беретін пәндер бойынша оқушылардың республикалық олимпиадасының қорытынды кезеңін толық нәтижелеу үшін еліміздің 100 үздік олимпиадалық мектептер рейтингі жасалды, деп хабарлайды 7su.kz желілік басылымы ҚР Оқу-ағарту министрлігіне сілтеме жасап.
Үздік олимпиадалық мектеп атану үшін республика бойынша 314 мектеп бақ сынасты. Олимпиада қорытындысы бойынша бірінші орынды 4 мектеп, екінші орынды 9 мектеп, үшінші орынды 14 мектеп иеленді. Рейтинг арнайы формула бойынша шығарылды. Алтын медаль 3 баллға, күміс – 2 баллға және қола – 1 баллға бағаланады.
Бұл рейтингте Талдықорғандағы екі мектеп Мұхтар Арын атындағы №24 мектеп-лицеймен (ІІІ-орын — 2 алтын, 2 күміс, 3 қола медал) Назарбаев зияткерлік мектебі (1 алтын, 1 күміс, 2 қола медал) кірген. Одан бөлек Жетісу облысындағы №1 Қабанбай орта мектебі (1 алтын) мен Қаратал орта мектебін (1 алтын) де тізімнен байқауға болады.
